കൊല്ലം: ശ്രീനാരായണഗുരു ഓപ്പണ് യൂണിവേഴ്സിറ്റിയില് ഡിഗ്രി കോഴ്സുകള്ക്ക് ഓഗസ്റ്റ് നാലുവരെ അപേക്ഷിക്കാം. ഓണ്ലൈന് ആയി www.sgou.ac.in അല്ലെങ്കില് erp.sgou.ac.in എന്ന വെബ്സൈറ്റിലൂടെ ഫീസ് അടച്ച് രജിസ്റ്റര് ചെയ്യാം. ഡ്യൂവല് ഡിഗ്രി സൗകര്യത്തോടെ ഓപ്പണ് ആന്ഡ് ഡിസ്റ്റന്സ് ലേണിംഗ് രീതിയില് 28 യുജി - പിജി പ്രോഗ്രാമുകള്ക്കാണ് അപേക്ഷ ക്ഷണിച്ചത്. സംസ്ഥാന സാക്ഷരതാ മിഷന്റെ സഹകരണത്തോടെയാണ് കോഴ്സ് നടത്തുന്നത്.
എംബിഎ / എംസിഎ അഡ്മിഷന് ജൂലൈ പകുതിയോടെ ആരംഭിക്കും. അഞ്ചു റീജണല് സെന്ററുകളുടെ പരിധിയിലായി പഠിതാക്കളുടെ സൗകര്യാര്ഥം കേരളത്തിലുടനീളം 55 പഠനകേന്ദ്രങ്ങള് ഉണ്ട്.
കൊല്ലം റീജണല് കേന്ദ്രത്തിന്റെ പരിധിയില് ഫാത്തിമ മാത നാഷണല് കോളജ്, കോളജ് ഓഫ് എന്ജിനിയറിംഗ്, ഐഎച്ച്ആര്ഡി കൊട്ടാരക്കര, ശ്രീ വിദ്യാധിരാജ കോളജ് ഓഫ് ആര്ട്സ് ആന്ഡ് സയന്സ് തേവര്കാവ്-കരുനാഗപ്പള്ളി എന്നിവയാണ് കൊല്ലത്തെ സെന്ററുകള്. താത്പര്യമുള്ള ഉദ്യോഗാര്ഥികള്ക്ക് യൂണിവേഴ്സിറ്റിയുടെ ഔദ്യോഗിക വെബ്സൈറ്റായ www.sgou.ac.in വഴി ഓണ്ലൈനായി അപേക്ഷ സമര്പ്പിക്കാം.
യുജിസി നിര്ദേശപ്രകാരം പ്രവേശനത്തിന് മുന്നോടിയായി എല്ലാ വിദ്യാര്ഥികളും നിര്ബന്ധമായും ABC-id- യും DEB-id-യും എടുത്തിരിക്കണം. പ്രോഗ്രാം ഫീസ്, റീജണല് സെന്ററുകള്, ലേണര് സപ്പോര്ട്ട് സെന്ററുകളുടെ ലഭ്യത, യോഗ്യത എന്നിവയെക്കുറിച്ചുള്ള വിശദമായ വിവരങ്ങള്ക്ക് വെബ്സൈറ്റില് ലഭ്യമാക്കിയിട്ടുള്ള പ്രോസ്പെക്ടസ് പരിശോധിക്കുക. പ്രവേശനം നിലവിലുള്ള ചട്ടങ്ങള്ക്ക് വിധേയമായിരിക്കും.
സഹായത്തിനായി ബന്ധപ്പെടേണ്ട നമ്പര് 9188909901, 9188909902
സാങ്കേതിക തടസങ്ങള് പരിഹരിക്കുന്നതിന്: 9188909903
പ്രായപരിധിയോ മാര്ക്ക് മാനദണ്ഡമോ ഇല്ലാതെ അര്ഹരായ പഠിക്കാന് താല്പര്യമുള്ള എല്ലാവര്ക്കും പഠിക്കാന് അവസരം ഒരുക്കും. അഡ്മിഷന് ടിസി നിര്ബന്ധമല്ല. സര്ക്കാര് ഉദ്യോഗമടക്കം തൊഴില് മേഖലകളില് ജോലി ചെയ്യുന്നവര്ക്കെല്ലാം സൗകര്യപ്രദമായ പഠനക്രമമാണ് ഒരുക്കിയിട്ടുള്ളത്. മിനിമം യോഗ്യതയുള്ള ആര്ക്കും ഇഷ്ടമുള്ള വിഷയത്തില് ബിരുദവും ബിരുദാനന്തര ബിരുദവും കരസ്ഥമാക്കുവാന് സാധിക്കും.
പ്ലസ് 2 ടു അല്ലെങ്കില് പ്രീ ഡിഗ്രി അല്ലെങ്കില് ഗവണ്മന്റ് അഗീകൃത രണ്ട് അല്ലെങ്കില് മൂന്നു വര്ഷ ഡിപ്ലോമ മിനിമം യോഗ്യതയുള്ള ആര്ക്കും ഇഷ്ടമുള്ള വിഷയത്തില് ബിരുദം നേടാം. ഡിഗ്രി ഏതു വിഷയം പഠിച്ചാലും ഇഷ്ടമുള്ള വിഷയത്തില് ബിരുദാനന്തര ബിരുദം നേടം.
ഈ അധ്യയന വര്ഷം 16 യുജി പ്രോഗ്രാമുകളും, 12 പിജി പ്രോഗ്രാമുകളുമാണുള്ളത്. ഇതില് ആറ് യുജി പ്രോഗ്രാമുകള് നാലുവര്ഷ ഓണേഴ്സ് ഘടനയിലാണ്. നാലു വര്ഷ ഓണേഴ്സ് ബിരുദത്തിന് ചേരുന്നവര്ക്ക് മൂന്നു വര്ഷം കഴിഞ്ഞാല് നിശ്ചിത ക്രെഡിറ്റ് ലഭിക്കുന്ന മുറയ്ക്ക് ഡിഗ്രി സര്ട്ടിഫിക്കറ്റോടുകൂടി എക്സിറ്റ് ഓപ്ഷന് നല്കുന്നുണ്ട്.
പിഎസ്സി/യുപിഎസ്സിയുടെ അംഗീകാരം ഈ പ്രോഗ്രാമുകള്ക്ക് ഉണ്ട്. മറ്റ് എല്ലാ ഉന്നത വിദ്യാഭ്യാസത്തിനും എല്ലാ ഉദ്യോഗത്തിനും ഓപ്പണ് സര്വകലാശാലയുടെ ബിരുദം മറ്റു യൂണിവേഴ്സിറ്റികളുടെ ബിരുദം പോലെ തന്നെ സ്വീകാര്യമാണ്. ശ്രീനാരായണഗുരു ഓപ്പണ് യൂണിവേഴ്സിറ്റി പ്രദാനം ചെയ്യുന്ന ഡിഗ്രി യുജിസി റെഗുലേഷന് 22(2020) പ്രകാരം റെഗുലര് ഡിഗ്രിക്ക് തുല്യമാണ്. കൂടാതെ തുല്യ വെയ്റ്റേജുമുണ്ട്.
ആയുര്വേദം, കളരിപ്പയറ്റ്, ജ്യോതിഷം തുടങ്ങിയ പരമ്പരാഗത അറിവുകളെ ഔദ്യോഗികമായി സാക്ഷ്യപ്പെടുത്തുന്നതിനുള്ള സുപ്രധാന പദ്ധതിക്ക് ഈ വര്ഷം തുടക്കം കുറിക്കും.സാമ്പത്തികമായി പിന്നാക്കം നില്ക്കുന്നവര്ക്ക് തുടര്ന്ന് പഠിക്കാന് ശ്രീ നാരായണഗുരു മെറിറ്റ് സ്കോളര്ഷിപ്പ് ഈ അധ്യയന വര്ഷം മുതല് ആരംഭിച്ചിട്ടുണ്ട്. വിവിധ ജില്ലാ പഞ്ചായത്തുകളുമായി ചേര്ന്ന് അര്ഹരായ പഠിതാക്കളെ കണ്ടെത്തി ഫീസ് ഇളവോടെ പഠിപ്പിക്കാന് വിവിധ പദ്ധതികള് നിലവിലുണ്ട്. എല്ലാ ജില്ലാ പഞ്ചായത്തുകളുടെയും പദ്ധതി വിഹിതത്തില് ഇതിനായുള്ള ഫണ്ട് വകയിരുത്തിയിട്ടുണ്ട്. സംസ്ഥാന സാക്ഷരതാ മിഷനുമായി സഹകരിച്ച് എല്ലാ ജില്ലകളിലും അഡ്മിഷന് ഹെല്പ് ഡെസ്ക് സജ്ജീകരിച്ചിട്ടുണ്ട്. ഇതിനായി അതാതു ജില്ലാ സാക്ഷരതാ മിഷനുമായി ബന്ധപ്പെടാം.
E-paper LOGIN
LOGIN
